Aktivitetar i Uskedalen

Helselagstrimmen startar måndag 17. august

Då er Uskedal helselag klare for å starte treningshausten 2026.Eli og Eva instruerer styrketrening i Gamleskulen kvar måndag framover med oppstart 17. august frå kl 1100 til 1200. Blir du med? Styrketreninga kvar måndag har vore veldig populær og vi gler oss over at det er så mange som engasjerer...

Les meir
Fleire nyheter

Tenester

Under tenester er det samla informasjon om nokre av aktivitetane som Uskedalen har å by på. I menyen under tilbod er det samla informasjon om og orientering frå nokre av dei aktive laga i bygda.

Elvefiske

Uskedalselva er ei god laks og aure elv.

Fjellklatring

Uskedalen har stupbratte fjellsider i knallhard granitt

Attraksjonar

I Uskedalen er fleire flotte attraksjonar som er vert å ta nærare i augesyn. Kart med lokasjonar og turstiar i Uskedalen finn du her

Overnatting

Uskedalen har fleire overnattingstilbod. Her er det campingplass, turiststasjon, gjestegård og to båthavner

Turstiar

Turløyper og merka stiar i Uskedalen.

Sjå alle tenester

Sponsorar

Produkter

Medlem Bedrift
3500 kr
Er di bedrift med og støttar arbeidet til uskedalen.no, vil ein og få mykje att.
Medlem Privat
200 kr
For å kunne drifte Uskedalen.no, er vi avhengig av medlemmar i Uskedal Utvikling. Det kan betalast til k. nr. 1503.39.82329 eller du kan vippse til 512870.
Fleire produkter

Porten til Hardanger

Bygdeutviklingsprosjektet lyste ut ei uformell tevling om det beste mottoet for bygda. Det skal nyttast i all PR- og profileringsverksemd heretter. Reaksjonen var heller liten. Det tolka vi som eit varsel om at det motto vi for vår del likte best også er det klårt beste – Porten til Hardanger.

Vi får med andre ord støtte i det syn at det er her i Uskedalen det historiske skillet går mellom Hardanger og Sunnhordland. Vi sit bokstaveleg tala midt i porten! Dessuten bur vi midt i Kvinnherad! Mottoet vart difor nytta i den første ”offisielle” publikasjon som Bygdeutviklingsprosjektet kom med, den nye brosjyra som vart spreidd i området. Her på heimesida er mottoet sjølvsagt og nytta. Mottoet har toppa ein etterkvart nokså omfattande PR-offensiv for Uskedalen.

Kvifor ynskjer vi så å profilera Uskedalen sterkare?

Fordi vi meiner vi bur i ei bygd med slike unike kvalitetar at vi bør bli fleire og at fleire bør vitja oss. Natur-ramma med heile spekteret frå fjord til fjell ligg der og ventar. Fritidstilbodet er også svært godt. Lagslivet har noko å frista med for alle. Førebels er det ikkje er så mange arbeidsplassar i sjølve Uskedalen, men det er praktisk å bu her og jobba ein annan stad. Fleire nye og spanande prosjekt peikar mot ein klår auke i folketalet. No er vi rundt rekna 1.000.

  • Kven er Uskedal Utvikling?
    Uskedal Utvikling vart skipa i 1989 med det føremål å fremja samarbeid og utvikling i bygda.
  • uskedalen.no
    Uskedal Utvikling er ansvarleg for drifta av den dugnadsbaserte nettsida uskedalen.no - DENNE NETTSIDA
  • Gamleskulen og Kafe 10'aren
    Uskedal Utvikling står for drifta av Gamleskulen og kafe 10'aren i Gamleskulen