Uskedal Skulemusikk sin adventskalendar 2023 - 12.desember.

Ny trekning og ny spenning. I morgon kan alle også oppleva spenning og julestemning viss dei tar turen i Helgheim på skulemusikken sin musikkquiz. Den startar kl. 17.30.
Bildet i dag er av kornettgruppa, og det er frå den fine julekonserten i kyrkja på søndag. Nærast ser vi Ebba som er blitt veldig god på instrumentet sitt. Ho arbeider svært godt og seriøst. I tillegg til å spela i skulemusikken er ho også godt i gang med andre sesongen sin i Rosendal Musikklag. Dei andre i gruppa, Anna, Emilie, Nora og Ann Cecilie, er presentert tidlegare.
I går kveld var både Ebba og Anna aktørar på kulturskulen sin julekonsert på Husnes, og begge imponerte med utsøkt kornettspel. I tillegg viste Anna seg også som svært talentfull ved pianoet!

Dagens to heldige vinnarar:

• Nr.372 har vunne gåvekort på 500,- kr frå Spar Uskedalen og kan bruka det på allslags godsaker i butikken.
• Nr. 193 er vinnar av gåvekort på sjømatspakke frå Brødr. Hjønnevåg AS

Vi gratulerer dei to vinnarane som kan henta gåvekorta sine på Auto 88.

Tekst og nett: Thor Inge Døssland
Foto: Thor Inge Døssland og Kjell Harald Tungesvik