Artikkel, Nyhende, Uskedal Båtlag

Uskedal Båtlag investerer for over 2 millionar kroner til ny flytekai og 20 nye uteliggjarar.

Arbeidet med fornying og oppgradering av flytekai og uteliggjarar i Båthamna held fram. Flytekaien i tre element kom til Uskedalen i går og vart buksert på plass. I dag legg ein 10 stk betongblokker som lodd på botnen. Leverandør er Marinegruppen på Tysnes. Geir Eidsvik med MS GJØA er leigd inn for all transport og montering. Uteliggjarane kjem truleg til Uskedalen med lastebil.

GJØA med 10 stk. betongblokker på dekk.

MS GJØA ( tidlegare ferje i Trøndelag ) er ombygd med krane og utstyr for denne typen arbeid. Eidsvik tek oppdrag på kysten med kaiar, fortøyningar, betongarbeid og slep. GJØA har vore i Uskedalen før, mellom anna ved kaiarbeid på Skorpo. Eidsvik har base på Snilstveitøy.

Fornying og oppgradering av båthamna i Uskedalen har ein kostnad på vel 2 millionar kroner. Antal båtplassar vert som før. Det gamle utstyret er alt seld.

Her legg ein ut betongblokker som fortøyning.

Arbeidet er rekna å vera ferdig i god tid før påske.

Tekst/foto/nett: Kristian Bringedal