![](https://uskedalen.no/content/uploads/2024/08/Skarhaug-Opp-8-1000x715.jpg)
Skårhaug Opp - motbakkeløpet for alle.
Mosjonsklasse, aldersbestemte klassar, konkurranse, ung og gamal – alle finn vegen til motbakkeløpet Skårhaug Opp, Noregs lågaste i sitt slag. Arrangørane Uskedal Idrettslag og Uskedal Friluftslag er godt nøgde med eit deltakartal på 66 registrerte løparar og mosjonistar. Talet i fjor var 59 påmelde. I tillegg kjem dei som går løypa utan å vera registrert. Dårleg ver med vind og regn la ikkje nokon dempar på interessa. Toppbilete syner Harald Eide Saghaug, Milas Christensen og Mona Eide Saghaug. Rasmus ligg i vogna.
![](https://uskedalen.no/content/uploads/2024/08/Skarhaug-Opp-6-1024x722.jpg)
I konkurranseklassen vann Sindre Omvik med Johannes Heien som ein god nummer to, den same plasseringa som i fjor. På tredjeplass kom Øystein Haldorsson. Vinnartida i år vart 5 min. og 13 sek.
Veteranbandet Uskedal Musikklag spelte friske tonar i det løparane kom fram til Stemneplassen og starta på motbakken mot toppen på Skårhaug. Åse Neset og Jofrid Eik sytte for kiosk med pølser i brød og drikke. Speaker på toppen var Per Korsvold.
![](https://uskedalen.no/content/uploads/2024/08/Skarhaug-Opp-9-1024x836.jpg)
Meir frå Skårhaug Opp med resultat kjem i eige innlegg.
Tekst/foto/nett: Kristian Bringedal