Artikkel, Nyhende, Utvikling

Samlar all trelasthandel på Husnes. Held fram med byggevareutsal i Rosendal.

Lio Sag og Treforedling har samla all trelasthandel på næringsområde på Husnes. Nyopninga var på torsdag. Byggevarehandelen i Skålagato held fram som før. Her vil ein utvida varesortementet med mindre byggevarer, varer som skal vera lette å få tak i og henta. På Husnes vil kundane møta Odd H. Taranger, Rune Myklebust ( dagleg leiar ) og dotter til Rune, Kristine Heimvik.

Her må ein stå på. På den korte tida uskedalen.no var innom, måtte Kristine lossa ein trailer med byggevarer.

Det var mykje folk innom på torsdag. MAKITA, leverandør av elektriske verkty, var med på opninga. Det er rekna for å vera kvalitetsprodukt, noko Rune har merka seg. Det er godt sal på produkt frå MAKITA.

Trelasthandelen på Husnes skal utviklast til eit profesjonelt anlegg. Her skal kundane oppleva å få tak i det ein treng. Slagordet er: Du ringjer – vi bringer. Rune Myklebust fortel til uskedalen.no at 14 kundar fekk varer levert på ein og same dag i veka som var. Alle som tingar varer innan kl. 12.00 på dagen, skal få leveransen på døra same dagen.

Historikken er at Rune Myklebust overtek Lio Sag i 2002. Han flyttar verksemda til Seimsfoss i 2020, før ein på nytt flyttar og samlar all trelasthandel på Husnes i 2025.

Tekst/foto/nett: Kristian Bringedal