Robotklyppar på kyrkjegarden, den fyrste i sitt slag i Kvinnherad.

Uskedalen sokn er fyrst ute med robotklyppar på kyrkjegarden. Robotklypparen er sett i drift på den gamle delen av kyrkjegarden. Klypparen er levert av Felleskjøpet Rogaland Agder, avd. på Seimsfoss. Uskedalen ligg sentralt del i kommunen for bruk robot i eit forsøk for å sjå korleis den fungerer. Tilsette på kyrkjekontoret køyrder ofte forbi og kan såleis lett stikka nedom for tilsyn og korrigering.

Uskedalen.no fekk møta gravplassarbeidet Trond Inge Kvandal i dag. Han fortel:

• Maks kapasitet er fem dekar. Den eldste delen av kyrkjegarden i Uskedalen er om lag fire dekar.
• Med ei app kan Trond Inge på telefonen fjernstyra roboten anten det gjeld lading, klyppehøgde og andre funksjonar.
• Klypparen er programmert slik at den ikkje kjem borti planter ved gravminne.
• Ingen treng vera redd for roboten. Kamera påmontert gjer at klypparen stoppar dersom den møter på personar som dømes ryddar eller plantar.
• Klyparen går i rette liner der det ligg til rette for det. Elles snur og vender roboten mellom alle gravsteinane.
• Mykje av gravplassen har rette former, men den er også programmert for å klyppa der lende har ei boga form i sving.
• Roboten er GPS styrt. Det er såleis ingen streng i bakken.

Det er enno litt usikkert korleis klypparen vil fungera i vått ver, særleg i dei høve der graset klabbar seg under maskinen. Difor er det truleg viktig at det ikkje ligg gamalt gras i køyrebanen.

Tekst/foto/nett: Kristian Bringedal