Rhododenroen på Endregård 100 år - truleg ein av dei største i landet.

For ei tid sidan hadde uskedalen.no eit innlegg om ein rhododenro på Eik, hos Bjørgulv Eik, henta på Grønstøl, frakta på motorsykkel og planta på Eik i 1955. No handlar det om ei liknande plante, den største og truleg den eldste i Uskedalen, nemleg den 100 år gamle og kjempestore rhododenroen på Endregård, planta i 1921.

Mange såg innslaget på Vestlandsrevyen for ei veke sidan der det var fokus på ein rhododenro frå ein plass rundt Bergen. Planten med lilla blomar var stor som eit hus, 5 meter høg og med ein omkrins på om lag 38 meter. Det store spørsmålet er: Kor stor er rhododenroen på Endregård ? Eigaren Tor Eik kan ikkje svara nøyaktig, men er positiv til at den som vil ta jobben å måla storleiken, må berre gjera det. Mor til Berit Guddal og Terje Myklebust, Edel, fortalde Tor at rhododenroen var planta tidleg på 1920 talet, anten 1920 eller 1921.

1920 talet var det som vert rekna som hermetikkindustrien sin gullalder i Uskedalen. Direktøren i Concord Canning Co ( CCC ) Endre Grønnestad bygde sommarvillaen Endregård i 1917. Det er i hans tid rhododenroen vart planta. I seinare tid har ei grein brotna og ein avleggjar veks og storleiken aukar.

Det store spørsmålet er: Kor stor er rhododenroen på Endregård ? Kven vil ta jobben med målebandet. Vi må vita høgde og omkrins.

Tekst/foto/nett: Kristian Bringedal