Pårørandeskule med fire samlingar i Kvinnherad Vekst sine lokale.

Kvinnherad kommune inviterer på nytt til Pårørandeskule. Målgruppa er pårørande til personar med demens. Samlingane går over fire onsdagar og er lagt til kantina på Kvinnherad Vekst. Fyrste samling er 4. mars

Dokumentasjon syner at pårørande til personar med demens har trong for kunnskap, hjelp og støtte. Det er viktig å koma saman, dela erfaring og få støtte i kvardagen. Det vert undervist i sjukdomslære, kommunikasjon og samhanding. Ein vil mellom anna koma innom ordninga med framtidsfullmakt og vergemål.

Førelesarane er alle fagpersonar på kvar sine felt. Evelyn Mehl Willumsen, leiar i Hukomelsesteamet, samordnar og er ansvarleg for kveldane.

Tekst/foto/nett: Kristian Bringedal