Om utvandrarbok og -seminar i Plassapodden

Frist for påmelding til utvandrarseminar, 15. august, nærmar seg

I Plassapodden, som Sigurd Vikøren står bak, var det mykje interessant stoff i utgåva som kom ut sist fredag. Mykje av det var om utvandrarjubilèet som blir markert her i Uskedalen, med utvandrarseminar 30. august og boka “Med von om ei betre framtid” av Uskedal Historielag/Torkel Stensletten som blir lansert på bokslepp i Helgheim 18. oktober.
Plassapodden kan ein høyra ved å klikka HER.
Fristen for påmelding til seminaret er 15.august så det er fredag denne veka. Påmelding kan ein ordna enkelt ved å vippsa seminaravgifta på 300 kr til 76 38 03 eller betala inn til kontoen til Uskedal Historielag, 3207.37.52026. I begge tilfelle må ein merka betalinga med “Utvandrarseminar”. Når det er gjort, er påmeldinga registrert, og ein kan sjå fram til ein laurdag med interessanne føredrag, emigrantviser og servering av betasuppe.
Viss ein har spørsmål til påmeldinga, kan ein kontakta kasserar Ståle Eik, mobil 975 02 565 eller epost uhl.kasse@gmail.com
Bildet over viser prosjektgruppa for utvandrarseminaret.

Tekst, foto og nett: Thor Inge Døssland