Ny tilskotsordning til arbeid med mindre prosjekt, arrangement, nyskaping og utvikling 2025.
Det er innført ei ny tilskotsordning til arbeid med kultur og folkehelse. Tilskotet gjeld mindre prosjekt, arrangement, nyskaping og utvikling. Søknadsfristen er 1. mai 2025. Bakgrunnen er at i ein periode har søknader til mindre prosjekt, som til dømes bokproduksjon, vorte handsama i Formannsskapet. Rådmannen bad om sak der slike saker vert lagt fram for Levekårsutvalet for vedtak.
Her er døme på kva det kan søkjast støtte til:
- Utgifter til mindre prosjekt
- Støtte til enkeltståande arrangement
- Kostnader med bokproduksjon ( Jfr. bilete på topp )
- Støtte til mindre formidlingsprosjekt
- Støtte til kulturverntilatk
- Støtte til gjenbruksretta tiltak.
Tilskotsordninga er sosialt retta innan idrett, friluftsliv og kultur. Søknadar som er underbygd av inkludering, mangfald og rekruttering vert prioritert. Ordninga skal byggje opp under utviklinga i lokalsamfunnet.
Øvre grense for tildelt tilskot kan utgjere 1/3 av faktiske kostnadar. Maksimum støtte er kr 30 000 per prosjekt.
Søknadsfrist: 1-2 rundar pr kalenderår, vår og haust.
Søknadar vert handsama av Levekårsutvalet i Kvinnherad kommune.
Tekst/nett: Kristian Bringedal - henta frå Kvinnherad kommune si heimeside Foto: Arkivfoto