Nostalgi - Sigrid Øyrehagen stiller ut i Galleri Banken i Ølve.

Nostalgi er tittelen på Sigrid Øyrehagen sin utstilling i Galleri Banken Ølve i Kvinnherad med opning 7 juni. Opningstider: Onsdag – søndag 12 – 16 og elles etter avtale. På spørsmål frå uskedalen.no fortel Sigrid at denne utstillinga viser ei mengde monotypiar. Dei blir montert rett på vegg utan ramme i tette grupper. På den måten vil ho visa mangfaldet i monotypiproduksjonen, både i motiv, fargar, stemning og stil.

Sigrid fortel vidare: Eg opplever sjølv at denne måten å visa monotypiar på gir meg eit nytt blikk på korleis eg har arbeidd med dei gjennom mange år.

Det blir salgsutstilling, men ikkje salg rett frå vegg. Kvar monotypi er svært viktig for heilheten. Ho kaller utstillingen Nostalgi for ho opplever at det vakre er vanskeleg å finna i mykje av det nye som pregar landet.

Samspel mellom natur og hus var ein gang naturleg. Mange nye
modernistiske og minimalistiske trendar blir for henne kjedelege,
fattige og utan venleik. Derfor vil ho no overvelda og maksimalisera den delen av arbeidet hennar som er monotypiar. Ho avsluttar med å sei at det ho har gjort, snakkar saman på tvers av tid slik at det blir bilder fra dei siste 25 åra.

Airin Helen Zimmer driv Galleri Banken. Kunstnar Marta Nerhus er kurator

Tekst: Kristian Bringedal etter manus frå Sigrid Øyrehagen
Foto: Henta frå FB
Nett: Kristian Bringedal