No kan du kjøpa hus med bakarovn i kjellaren.

Einebustad på Neset ligg ute for sal. Huset har kulturhistorisk interesse i Uskedalen. Odd Myklebust dreiv Uskedal Dampbakeri i kjellaren fram til tidleg på 1960 talet. Kjellaren er original med bakarovn og utstyr som høyrer til. Huset ligg sentralt til i Geilo med vakker utsikt til Stølavikjo og fjella Ulvanoso, Englafjell og Manen. Birger Myklebust budde i huset fram til han døydde i 2024.

No vert huset seld. Det er informasjon med telefonnummer på plakat i det eine kjellarvindauga. Seinare vert huset lagt ut på finn.no. Eigarane gjer det kjend på denne måten og vil gjerne at nokon i eller med tilknyting til Uskedalen skal vera informert. Til huset er det stor tomt med frukthage.

I den nære fortida – årbok 2 kan du lesa artikkelen Odden på Neset – Uskedal Dampbakeri, skriven av Thor Inge Døssland. Grunnmuren og kjellaren med bakeriet var klart for bruk i 1935. Vel ti år seinare flytta familien inn og tok huset i bruk.

Kontaktperson for visning og meir informasjon er Dag Hermansen, telefon 900 74 700 eller 485 08 091

Tekst/foto/nett: Kristian Bringedal