Nils Rainer spelar eksamenskonsert på Griegakademiet.

Nils Rainer Strüter er elev på Griegakademinet. Tysdag i komande veke spelar han andreårs eksamenskonsert. Han skal spela verk av Bach, Horovitz og Nordhagen. Griegakademiet – Institutt for musikk vart oppretta ved Universitetet i Bergen i 1995, og er no eit av tre institutt ved Fakultet for kunst, musikk og design (KMD).

Nils Rainer har i mange år vore aktiv medlem i Uskedal skulemusikk, jamvel i den tida han var elev på musikklinja på Stord. Han slutta då han nådde aldersgrensa. Nils Rainer var også instruktør dei siste åra, og han hadde også aspirant opplæring. Han var også med eit par sesongar med musikklaget. Han har vore med i Hordalands Ungdomskorps (HUK). Etter at han flytta til Bergen har han spela med Askøy Brass og i periodar med fleire Bergens korps.

Tekst: Thor Inge Døssland/ Kristian Bringedal
Foto: Privat
Nett: Kristian Bringedal