Artikkel, Kultur, Nyhende, Skulemusikk og Musikklag

Mange kom for å høyra og vera med i songen Septemberstilla - eit minne om Lars Ljosnes.

Ikkje ein stol var ledig på Kafe Tiaren i dag. Uskedal Musikklag inviterte til allsong med vekt på tre høgdepunkt på repetoaret. Det fremste av dei var urframføring av diktet Septemberstilla – eit minne om Lars Ljosnes, skrive av Olaf Agnar Gausvik, arrangert av Per Olav Paulsen for Musikklaget. Diktet kom med i samlinga Det droplar og dryp på Setesdalsforlaget i 2007. Tone er Mull of Kintyre av Paul McCartney.

Tubaist Thor Inge Døssland takkar og les dikt til forsongaren.

Trommis Kjell Borge Olsen stod fram med klikkertspel, rytme med to små treflater mellom fingare. Kjell lærte klikkertspel som liten gut i Bergen. Seinare har det vore ein del av livet hans. Klikkertane er med og vert teke fram for å skapa stemning.

Den kongeleg skipsklokka kan vera unik. Det er usikkert, men truleg kjem skipsklokka frå ein engelsk marineskip. Kongeleg monogram og bokstav E ( Elisabeth ) og R ( Rex ) tyder på at dette har noko med det engelske monarkiet å gjera. Det høver godt å bruka skipsklokka i framføringa av Skomværsvalsen av Erik Bye.

Den unike skipsklokka montert i eit vakkert stativ, laga av Ståle Eik.

Uskedal Musikklag ligg ikkje på latsida. Neste på blokka er Rosendalstunet tysdag 10. juni. Etter det: Friluftskonsert på Stemneplassen. tysdag 17. juni.

Tekst/foto/nett: Kristian Bringedal