Kvelds- og nattarbeid med ny kai på Steinaneset på Skorpo.

Mange har den siste tida merka seg arbeidet som vert gjort på Steinaneset på Skorpo. Arbeiet gjeld ny kai og båtfeste. Fartyet GJØA høyrer heime på Austevoll med Geir Eidsvik som skipper. Firma tek frakteoppdrag og fundamentering- og betongarbeid i samband med renovering og bygging av kaiar.

Historikken er at ferja GJØA er bygd i 1966 på Ulstein Mek verkstad, den gongen som JØA, etter namnet på øya i Nord Trøndelag der diktaren Olav Duun kom frå. Ferja gjekk for Namdalen Trafikkselskap i ulike samband. I 1999 vart skuta seld til Haus i Hordaland og fekk namnet RØAR. Seinare var det tilbake til det opphaveleg namnet før det vart GJØA med G i 2011.

Motorskipet GJØA er på 96 brt.n vel 21 meter lang og med ei breidde på 7,4 meter. Ferja var i si tid sertifisert for maks 10 personbilar og 40 passasjerar.

Tekst/nett: Kristian Bringedal
Foto: Hans Ordin Østebø/ Kristian Bringedal