Kom frå Hønefoss, Bergen og Stord for å vera med på årsmøte i Uskedal Historielag.
Ikkje noko å sei på interessa for Uskedal Historielag sitt arbeid for å dokumentera, ta vare på og formidla den lokale bygdesoga. På årsmøte i kveld var det faktisk frammøte frå Hønefoss, Bergen og Stord i tillegg til medlemer i Uskedalen. Styret held fram som no: Kristian Bringedal, Ståle Eik og Svein Rimestad. Varamedlemer: Eli Roseth Eik, Bjørgulv Eik og Knut Stensletten.
Styret peikar ut arbeidsgrupper:
- Skriftstyre
- Arkivgruppe
Årspengar for 2026 er uendra, kr. 200,-. Betal til konto: 3207.37.52026
Årsmeldinga fortel om eit omfattande og grundig arbeid. Utvandrarjubileet med bok og seminar var hovudsatsinga i 2025. Økonomien i laget er god. Medlemstalet er over 100.
Frå arbeidsplanen for 2026 tek vi med:
- Årbok 4 i serien Den nære fortida – bokslepp – sal
- Opne møte med tema
- Foto- og mimrekveldar
- Formidlling med bygdevandring, 8. mai med tilbod til Uskedal skule, omvisningar – mellom anna på Haugland skulemuseum
- I samarbeid med Dugnadsgruppa, grunneigar og kommune kalla inn til møte og vera med på nyopning av Bygdetunet Rød/ Kverna
- Halda fram med innsamling, sytematisering og registrering av arkivmateriale.
På møte var det matøkt med song for maten, muffens og heimebakte mjølkekaker. Ikkje verst det heller.
Tekst/nett: Kristian Bringedal Foto: Kristian/Thor Inge