Jostein Saghaug - den einaste ordførarkandidaten frå Uskedalen.

Uskedalen.no held fram med ein serie innlegg frå valkampen og om dei ulike partia. Ein føresetnad er at vi finn noko som gjeld eller kan linkast til Uskedalen i partiprogrammet. Turen er komen til Miljøpartiet dei Grøne ( MDG ) med Jostein Saghaug som nr. 1 på lista og dermed i god posisjon til attval i det nye kommunestyret. Saghaug er dessutan den einaste ordførarkanidaten frå Uskedalen. Han skriv dette:

MDG har ein genuin politikk for å verna natur – nei til vindkraft i Kvinnheradfjella. Partiet har mål om tilnærma arealnøytralitet, noko som betyr restaurering av natur dersom utbygging. Store inngrep vert då i praksis umogeleg.

Beredskap: Partiet jobbar aktivt for å bevara brannstasjonstrukturen i
kommunen. Det gjeld også Uskedal brannstasjon. Det er ei viktig sak då brannstasjonen i Uskedalen stadig ligg under press for nedlegging.

Trafikktryggleik: Gang og sykkelveg gjennom Løfallstrand og Uskedalen
er spesielt prioritert i partiprogrammet.

Elles er MDG eit parti som står ekstra opp for dei svakaste i
samfunnet. Partiet føl opp bustadsosial handlingsplan.

Eldrepolitikk er også høgt prioritert.

Bortsett frå Skarveland skule vil MDG behalda barnehage- og skulestrukturen i den kommande valperioden.

Tekst/foto/nett: Kristian Bringedal