Hytte- og påskefest på Skorpo i strålande ver.

Tradisjonen med Hytte-og påskefest på Skorpo held fram. I dag på Påskeafta var om lag 200 samla i tunet til Marit og Oskar Langballe til grilling, middag, påskerebus og tur rundt Holmasletto. Då er alle samla, påskegjester i hytter og hus og fastbuande, store og små. Rebusen går ut på å finna Påskeharen. Nytt i år var samling av traktorar på fire hjul og på to hjul, gamle og litt yngre. Bernt Langballe fekk traktor, ein Volvo, seint på 1960. talet.

Naturstien gjekk opp i Skorpo, i tunet der Johannes Hauge budde, ned til Holmasletto på nordsida og tilbake til samlingsplassen. Det var påskeegg og og premiering til borna.

Grilling av ein heil gris er eit fast innslag. Mange kler seg ut i gulfarga påskeklær. Påskefest på Skorpo er for hyttefolk med familiane deira, gjester og for fastbuande. Ein eigen komite står for planlegging og gjennomføring. Påskefesten på Skorpo har vorte gjennomført i om lag 10 år.

Det er så langt vi veit den mest merkerte påskefesten i Uskedalen. Elles finst det mange sosiale samlingar i nærområda rundt i grendene.

Tekst/nett: Kristian Bringedal
Foto: Marit Langballe