Her kjem vedtaket i saka om brannstasjonar i Kvinnherad.
- Kommunestyret tek rapporten «Dokumentasjon av brann- og redningstenesta i Kvinnherad kommune 2024» til vitande.
- Stasjonane Ølve, Rosendal, Halsnøy, Uskedalen, Åkra, Fjelberg, Varaldsøy og Husnes vert vidareført.
- Uskedalen stasjon vert vidareført med ombygging av eksisterande stasjon som vist i alternativ innstilling 1. Stasjonen skal etter ombygging ha både rein og skitten sone.
- Stasjonane Åkra, Fjelberg og Varaldsøy vert vidareført som rein-sone-stasjon med plassering til/nær kai.
- Kommunestyret vedtek at naudsynt finansiering for investeringar for effektuering av pkt. 3 og pkt. 4 i dette vedtaket, vert sett i budsjettet i 2027. (Totalt 17,3 millionar kroner)
- Kvinnherad brann og redning skal årleg legge fram ei årsmelding for Kommunestyret.
- Kommunedirektøren skal legga fram forslag til handlingsplan for politisk behandling som samsvarar med kommunestyrevedtaket. Handlingsplanen skal leggast fram i juni 2026.
Vedtak i sak 6/2026,- Organisering, bemanning og utrustning av Kvinnherad brann og redning, framførte på vegner av AP, H, V, Krf og Sp. Dette ble vedteke med 32 mot 3 røyster (SV) i kommunestyret. Framlegget vart sagt fram av Per Harald H. Löfgren Johansen – Gruppeleiar i Kvinnherad Arbeidarparti.
Tekst: Frå vedtaket Nett: Kristian Bringedal