Helselaget opnar Koronakafeen anten 17. eller 24. august.

Uskedal Helselag melder at ein legg opp til opning av Koronakafeen anten 17. eller 24. august. Endeleg opningsdato vert bestemt med det fyrste. Med bakgrunn i søknad vart helselaget i 2020 tildelt midlar frå DAM stiftinga for å gje eit sosialt tilbod i ei tid då mange aktivitetar har vore sett på vent. Koronakafeen var aktiv nokre tysdagar i oktober 2020. Auka smitte førte til at kafeen vart mellombels stengd. No vil ein prøva på nytt.

Koronakafeen er eit gratis tilbod for brukarane. Frivillige medlemer i Helselaget står for matserving. Smittevernreglane med mellom anna meterregelen gjeld framleis. Gamleskulen er møblert med kafebord og god plass mellom stolane. Ei vesentleg endring sidan oktober i fjor og august i år, er at dei fleste av kafegjestene er vaksinerte.

Tekst/nett: Kristian Bringedal
Foto: Uskedal helselag