Fornyar og legg om vassledningen.

Uskedal Vassverk held fram arbeidet med fornying og omlegging av vassledningen gjennom bygda. Det siste er å fasa ut 75 år gamal støypejernsrøyr langs fylkesvegen i område kring Beinavikjo. Bakgrunnen til fornying og utskifting er ofte lekkasje, slik det også har vore kring det som var Hugo Arnesen si løe. Eigar no er Sigurd Arne Arnesen.

Musland Maskin er utførande entreprenør. Ny trase går frå fylkesvegen om lag der busskuret står i nedre Halane, ned og bort til brannhydrant ovom Byggeriet og vidare fram til påkoplingspunkt. Før ferdigstilling må vassledingen fornyast inn til privat bustad i Beinavikjo.

I same område er det enno om lag 100 meter med gamal ledning, frå busskuret og fram til om lag der Anne Gurine Bringedal bur.

Tekst/foto/nett: Kristian Bringedal