Den eldste av 120 deltakarar på Elevstemna på folkehøgskulen kom frå Uskedalen.

I helga var det jubilantstemne på Sunnhordland folkehøgskule. Heile 120 tidlegare elevar møtte fram. Det er eit høgt tal. Av desse finn vi Bjørgulv Eik, elev 1951/52 , den eldste ( 94 til hausten ) og truleg den eleven som kan syna til flest elevstemner i alle desse åra. I tillegg har han vore styremdlem i Det store elevlaget og har ved fleire høve vore aktør på scenen ved framsyning av spelstykke på folkehøgskulen. På bilete ser vi Bjørgulv Eik saman med Knut Hovland.

Elevstemna går over tre dagar med frammøte fredag og heimreis sundag. Det er lagt inn festprogram, programskaping, allsong, turar og aktivitetar av ulik slag. I år var det synfaring og orientering om Haugastova, der det fyrste folkehøgskulen på Vestlandet, den tredje i landet, starta i 1868.

Sunnhordland folkehøgskule på Halsnøy Kloster med rundt rekna 100 elevplassar driv godt. I sommarhalvåret er det utleige til musikkleiar, familiegrupper og til andre større gruppearrangement.

Tekst/nett: Kristian Bringedal
Foto: Tor Bjelland