Ballbingen kan brukast om kort tid.

Ballbingen er om kort tid klar for bruk. Ein dugnadsgjeng var i går i arbeid med klargjering, justering og legging av kunstgraset. Per Korsvold fortel til uskedalen.no at til vanleg skal det vera godt fall på slike banar. Men, denne banen skal kunna isleggjast. Då skal det vera minimalt med fall.

Underlaget vart planert og komprimert. Så kjem kunstgraset til slutt. Kunstgraset vert limt i skøytane. Når alt kunstgraset er lagt ferdig, skal det tilførast rikeleg mengder med ein spesialsand, som vert raka inn i graset.

Det er enno litt arbeid før banen kan takast i bruk. Opning vert kunngjort når alt er ferdig.

Tekst/foto/nett: Kristian Bringedal