Avslutta skuleåret med tur til Haugland skulemuseum og hageparty på Kjærland.

To klassar frå Kvinnherad vidaregåande skule avlsutta skuleåret med tur til Haugland skulemuseum torsdag 12. juni. I tillegg var alle samla til hageparty på Kjærland. Lærarane var Margun Eik og Jarle Haktorson. Klassane 2STA og 2STB ( studiespesialiserande ) fekk i to grupper vita meir om krinsskulen, slik det var i mange bygder fram til på 1960 talet. Besteforeldra deira har truleg vore elevar på ein slik skule. Bilete på topp syner ei av dei to gruppene.

Etter ei generell innføring, vert alle invitert til å vera med i roller. Skuledagen startar med salmesong eller annan høveleg song. Frammøte vert registrert i skuleprotokollen. Så kjem timane med mellom anna Bibelsoga, norsk, rekning, landkunna og song.

Ein annleis skuledag, kan vi trygt seia.

Tekst/foto/nett: Kristian Bringedal