Avslag på søknad til pilotprosjektet Arkivrom på Stemneplassen.

Det nyskipa Uskeal Historielag fekk kommunalt avslag på søknad om investeringsmidlar til opparbeiding og tilrettelegging for arkivrom på Stemneplassen. Det vart innan fristen søkt om kr. 20.000,-. Til søknaden vart det dokumentert materiellkostnader på kr. 10.000,- og arbeid/dugnad på den same summen, tilsaman kr. 20.000,-. I søknaden vart det framheva at tiltaket må definerast som eit pilotprosjekt i kommunen. Så langt vi kjenner, til finst det ikkje eit systematisk og fagleg tilrettelagt arkiv på bygdenivå i kommunen. På Rådhuset er det ei lokalsamling, men sjølv ikkje der er arbeidet prioritert, heller ikkje på biblioteket på Husnes. Historielaget vil søkja på nytt og på den måten halda fram å finna finansieringsmodellar for eit lokalt arkiv i Uskedalen. Arkiverommet er operativt og innsamling og registrering er komen godt i gang. Bilete er henta frå det siste møte i Uskedal Historielag.

Tekst/foto/nett: Kristian Bringedal