Amalie Røstbø - ny dagleg leiar i Galleri G Guddal.
Amalie Røstbø frå Uskedalen/Sunde er ny dagleg leiar i Galleri G Guddal. Amalie med mor frå Uskedalen og far frå Sunde vaks opp og gjekk på skule i Uskedalen. Ho er inne i sluttfasen av ein master i samtidskunst – Kunsthistorie ved Universitetet i Bergen. No kjem ho tilbake i Kvinnherad for å jobba med kunst. Det er langt mellom kulturarbeidsplassene i distrikta så det er stas å ha jobba fram ein slik moglegheit.
Gøril Guddal fortel at ho vert buande i tunet og vil halda fram med malekursa og andre arrangement oppe på låven. Programmet for 2026 er klart:
- Utstillingar med Axel Vindenes, Ingrid Haukelidsæter og Ørnulf Opdahl.
- Malekurs med Arvid Pettersen (13. – 15. mai) og Lasse Berntzen (26. – 28. juni )
- Konsert med Kjerefolk 2. april kl 15.00 (i samband med sesongopning)
- Linda Eide er tilbake laurdag 12. september.
Meir info om påmelding og billettar kjem snarast – saman med Amalie Røstbø.
Tekst: Redigert frå Facebook - Galleri G Guddal Foto: Morten Nygård - Grenda Nett: Kristian Bringedal