17. mai tek til med gudsteneste kl. 11.15. Røysterett for Alle syng til opning.

Etter salutt kl. 07.00 og flaggheising kl. 08.00 er det gudsteneste i Uskedal kyrkje kl. 11.15. Liturg er sokneprest i Kvinnherad sokn, Kjersti Brakestad Boge. Blandakoret Røysterett for Alle syng til opning før dei dreg vidare på sin vanlege 17. mai turne med song i fleire bygder.

Straks etter gudstenesta er det samling ved Bautasteinen. Uskedal musikklag spelar og 5. klasse elevar les Olaf Agnar Gausvik sitt dikt Ved bautasteinen. Etter blomenedlegging syng alle Fedrlandssalmen Gud signe våre dyre fedreland med tekst av Anders Hovden.

17. mai programmet ligg ute på nokre butikkar. Det er ikkje for sal, men kan hentast. Uskedalen.no har og vil leggja ut programmet i dagane fram mot nasjonaldagen.

Meir om programmet for dagen kjem i eigne innlegg.

Tekst/nett: Kristian Bringedal
Foto: Arkivfoto