Adventskalendarar er kjekke ting i førjulstida. Det er alltid spennande å “opna lukene”. Dei finst i ulike variantar. Mange er smakfulle. Eg tenkjer då på dei uttallige utgåvene av sjokoladekalendarar. Dei er ofte så fristande at mange kjem til julaftan fleire veker før jul.
No kan vi vinna ein gedigen Smash-kalendar på Spar Uskedalen. Det einaste vi treng å gjera, er å skriva namnet og telefonnummeret på kvitteringa, og så puttar vi den i boksen som står til venstre for utgangen.
Deretter kan vi gå heim og venta i spenning på trekninga 29.november. Deretter kan vi starta på dei daglege godsakene den 1.desember.

Tekst, foto og nett:  Thor Inge Døssland.