Uskedal Skulemusikk sin adventskalendar 2023 - 13.desember.

Hugs julemusikkquiz, konsert og kos i Helgheim i dag kl.17.30

I dag har vi bilde av den dyktige dirigenten i skulemusikken, Tor Skeie Olsen. Han starta hausten 2010 og er no inne i sin 14. sesong. Imponerande. Og han er framleis like viktig og populær. Tor er ein dyktig fagmann og pedagog. Han legg vekt på tilpassa musikalsk kvalitet samstundes han med godt humør og stødig disiplin syt for at det er kjekt å spela i Uskedal Skulemusikk. Mest ingen har slutta dei siste åra, men som så mange andre korps slit også skulemusikken med rekruttera aspirantar. Dette håpar vi vil snu.
Tor Skeie Olsen er med 13,5 år den dirigenten med lengst fartstid i Uskedal Skulemusikk. Nr. 2 på lista er legendariske Sigurd Wang med 12 år. Nr. 3 på lista er Bård Ljosnes. Alle med interesse og tilknyting til skulemusikken set stor pris på den jobben Tor har gjort, og framleis gjer, med korpset. Vi er svært takksame!!
Ryktene seier at området rundt Neset no er inne i ein god stim når det gjeld å sikra seg gevinstar på adventskalendaren. Dei to siste dagane har både dagskort i Fjellhaugen skisenter, powerbank og flaske, og gåvekort på sjømatpakke hos Hjønnevåg hamna der.
Det hadde vore kjekt å få vita kor dei ulike gevinstane hamnar. Derfor blir vinnarane oppfordra til å senda ei melding om det til 932 88 237.

Dagens to heldige er:

• Nr. 424 har vunne redningsvest, Regatta, gjeven av Lerøy Sjøtroll (sjå bilde)
• Nr. 733 er heldig vinnar av gåvekort på Bondekompaniet, pålydande 500,- kr, gjeve av Brødr. Musland Maskin.

Gratulerer til begge som kan ta turen til Auto 88 for å få gevinstane sine.

Tekst og nett: Thor Inge Døssland
Foto: Kjell Harald Tungesvik og Thor Inge Døssland