Uskedal skulemusikk sin adventskalendar 2022 - 13.desember.

Då er vi komne til Lucia-dagen og mange går i Luciatog, syng om Sankta Lucia og deler ut lussekattar. Ein fin tradisjon som særleg blir halden i hevd av barnehagar og skular.
I dag er det Ola med trombonen som blir presentert på bilde. Han bestemte seg tidleg for at trombone skulle bli instrumentet hans, og han starta direkte på dette instrumentet då han begynte som aspirant, noko som er svært uvanleg. Derfor hugsar vi han som den vesle guten med den raude plasttrombonen for nokre år sidan. No har både guten og trombonen vakse, og gjennom skulekorpset, kulturskulen, god heimeøving og deltaking på NMF sine sommarkurs har han utvikla seg til å handtera dette krevjande instrumentet på ein framifrå måte. Onsdag kl.18 kan de høyra trombone-Ola både i korpset og to ulike duoar på konserten i Helgheim.. Dessutan er det mange andre solistar som opptrer i tilleg til at korpset spelar sine julenummer.

Dagens heldige vinnarar er:

• Gåvekort på 500,-kr, gjeve av Spar Uskedalen, går til den heldige eigaren av kalendar med nr. 212.
• Gåvekort på same sum, gjeve av Brødrene Hjønnevåg AS, gjer at eigar av nr. 380 er like heldig.

Gatulerer!! Begge kan ta kalendarane sine med til Auto 88 AS så får dei gavekorta, og deretter kan dei gå og handla mykje god julemat på kvar sin plass.

Tekst, foto og nett: Thor Inge Døssland