Tremastra fullrigger gjennom Storsund i denne veka.

Den danske fullriggaren GEORG STAGE gjekk Storsund tidleg i veka. Skipet kom frå Torshamn på Færøyane og la turen innom Hardanger, mellom anna med nokre dagar til kai i Odda. GEORG STAGE er eit stålskip bygd i 1934 i Frederikshamn. Den tremastra fullriggaren har i alle år vore eit skuleskip. Seglskipet har vore i Uskedalen før, til kai på flytekaien til Uskedal Båtlag. Den gongen var GEORG STAGE på seglas for å vera med på Cutty Sark i Bergen.

Tekst/nett: Kristian Bringedal
Foto: Hans Ordin Østebø