Takk til dei som sende tilbakemelding på barometerstanden.
Sol, måne, flod, fjøre, vermerke, ja, alt som har med veret å gjera engasjerer og interesserer mange av Uskedalen.no sine lesarar. Eit innlegg om lufttrykket og barometeret førte til gode tilbakemldingar. Takk til dei som reagerte på oppmodinga om å la oss få vita barometerstanden kring 12. februar. Les meir.
Lufttrykket vert målt i hektoPascal ( hPa ).
- Torgeir Øye målte 1055 i Halsabrotet byggefelt
- Bjørgulv Eik målte 1048 på Eik, 65 meter over havet
- Øystein Enæs målte 1044 på Eik
- Hans Ordin Østebø målte 1058 i Halsabrotet byggefelt
- Kurt Haugland, som har påliteleg målestasjon, registrerte 1043
Til informasjon kan vi sei at Noregsrekorden er 1061, målt i Dalen i Telemark 1907, 72 meter over havet. Verdsrekorden er 1084, målt i Sibir 1968.
Tekst/nett: Kristian Bringedal
Foto: Øystein Enæs