Artikkel, Hjelpesendingar, Nyhende

Stor interesse for å støtta hjelpesendinga til Ukraina.

Det var til tider bilar i kø i dag for å avlevera sekker med klede, sko og anna utstyr til THK si hjelpesending til Ukraina. Fram til opplasting på trailer neste måndag 23. oktober er det høve til å støtta innsamlinga. Det let seg løysa ved å kontakta Tormod Myklebust. I dag var det frammøte frå heile Kvinnherad, frå Fatland i sør til Mauranger i nord. Med på lasset denne gongen er det mellom anna sekker med kle, brannsløkkingsutstyr frå tidlegare Eidsvik skipsbyggeri, sengkle/handkle frå eit lokalt vaskeri, stolar, rullestolar, madrasser og barnevogner. Til opplastinga neste måndag trengst det hjelp. Dersom du har tid, set av nokre timar. Nøyaktig tid kjem seinare.

Tyrkiateppe går til Ukraina. Rita Kaldestad ryddar i det huset ho har budd i heile sitt vaksne liv. Leif Jarle Bergstø tek mot på lageret.
Tekst/foto/nett: Kristian Bringedal