Rustne Menn med musikalske innslag på opne dagar på sjukeheimane.
Rustne Menn er tildelt oppdraget med musikalske innslag då Sektor for omsorg, helse og sosial inviterer til opne dagar på Rosendalstunet, Husnestunet og Halsnøytunet, dag etter dag med start i morgon tysdag 26. september. Markeringa er ein del av eit utviklingsprosjekt innanfor sjukeheimstensta der ein vil gje informasjon og møta ei framtidig brei brukargruppe. Det overordna tema er det å kunna meistra eige liv og helse lengst mogeleg og kunna bu i eigen heim. Rustne Menn skal ha sine innslag til opning, kl. 11.30 kvar dag på dei tre institusjonane. Gruppa har vald ut ein Bjørn Eidsvåg song og deretter Kleppevik: Tar du med ei helsing som allsong. Særleg på Rsoendalstunet reknar ein med frammøte frå Uskedalen, også av dei som bur fast på heimen.
Tekst/nett: Kristian Bringedal Foto: Arkivfoto