Godkjenning av detaljregulering Aktivitetshus og park er sak i kommunestyret i morgon.
Etter samrøystes vedtak i Plan, teknikk og miljøutvalet kjem saka om godkjenning av detaljregulering Aktivitetshus og park i Uskedalen sentrum som sak i kommunestyremøte i morgon, torsdag 20. mars. Kommunedirektøren innstiller på godkjenning slik planen ligg føre. Det er motteke merknader i saka, fire frå offentlege instansar og tre frå private. Med bakgrunn i merknader er planen revidert og endra nokre gonger. Alle merknadene med kommentarar er vedlegg til planen.
Det er Uskedal Idrettslag som forslagstillar. Plankonsulent er Civitas as og Lala Tøyen. Etter oppstartmøte 13.05.20 og politisk handsaming 17.06.22 vart det sendt oppstartmelding 12.09.22 med frist for uttale. Det kom inn tilsaman 10 merknader i oppstartfasen
Etter høyring og offentleg gjennomsyn er det gjort nokre endringar og presiseringar. Det går mellom anna på:
- Det er tydleggjort at planen har rekkjefylgjekrav. Dette går særleg på opparbeiding av parkeringsplassar, gangveg og endra tilkomst.
- Krav om universell utforming
- Føremålet med strandprken er endra frå LNFR – friluftsområde til grøntstrukturfriområde/ park.
- Trafikk og parkering skal gå via Geilo. Noverande tilkomst frå busslomma vert omgjort til gangveg,
- Talet regulerte parkeringsplassar er redusert frå 60 til 22 – 28 plassar.
- Sikra tilkomst til naust der det føreligg vegrett.
- Bruksarealet er justert frå 700m2 til 1080m2
Det er ein omfattande plan som har med punkt, mellom anna om:
- Tilhøve til nærmiljøet
- Alternativ lokalisering
- Utomhusplan og takplan
- Trafikksituasjonen
- ROS analyse
- Vatn og avløp
- Støyforhold
- Grunnforhold
- Landbruk
- Bruk av strandsona
- Elveflaum og havnivåstiging
- Naturmangfald
- Kulturminne
- Økonomiske konsekvensar
Møta i K.styret er opne for alle som vil fylgja forhandlingane. Det er dessutan lagt opp til kommune TV med direkte overføring ved å gå inn på kommunen si heimeside.
Tekst/nett: Kristian Bringedal Foto: Arkivfoto