Flaskepost funnen på Årsnes - frå to uskedalsjenter.

Gaute Bondhus fann i dag i 10-tida flaskepost på Årsnes. Bondhus jobbar på Lerøy sitt oppdrettsanlegg som ligg på Årsnes. I dag var han med på ei strandsonebefaring, mellom anna for å sjå om det var søppel i fjæra. Då var det at han fann flaskeposten kilt fast mellom nokre steinar. Avsendarane er truleg Marianne og Ingebjørg Haugland, 8 og 9 år. Hendinga ligg sikkert minst 20 år tilbake i dag. Telefonnummeret er gamalt og tilhøyrer Lars Haugland. Uskedalen.no er takksam for meir informasjon, ikkje minst frå dei som skreiv brevet og la det ut som flaskepost.

Tekst/nett: Kristian Bringedal
Foto: Gaute Bondhus