Fine dagar på Landsskytterstevne på Voss.
Flott ver, topp stemning og sosialt samvær gjorde Voss og landskytterstevnet til ei fantastisk flott oppleving for store og små. Frå Korsnes reiste to skyttarar for å delta i klassen Nybegynnar Voksen(NV). Dette er å rekna for ein lavterskel-klasse for nybegynnarar på 100meter/finfelt. Klassen skyt 25 skudd, 3 x5 skudd liggjande (15 skudd) og 2x5skudd liggjande (10 skudd) ved innandørs- og baneskyting. I feltskyting skyt klassen 30 skudd liggjande finfelt (5×6 skudd). I tillegg kan ein på Landskytterstevne (LS) delta på det som heiter Minneskyting i førekant av feltskyting (6 skot på skiveblink). Klassen kan delta på alle konkurransar i regi av DFS opp til og med Landskytterstevnet. Bilete syner: Bak f.v: Hallvard, Simon, Anders og Jan. Framme f.v: Hanne og Klara.
Klara Bakke og Jan Arnold Berntsen, samt dotter Hanne Bakke Berntsen og svigerson Anders Godtskalk Gjerde deltok i klasse NV. Saman med barnebarn Simon B. Flatebø som deltok i (ER ) Eldre Rekrutt og Hallvard B. Flatebø i NU (Nybegynner Ung) drog me spente avgarde til Camp 2
Bjørkemoen.
Når ein kjem til LS og skal delta for første gong, er det lett å kjenna på litt nervar, men alle klart å gjennomføra med glans. I klasse NV baneskyting skaut Hanne best med 246 poeng , og vart nr 23. av 144 deltakarar. Dette
vart premiert med «Middels beger». Klara enda på 240 poeng og Jan 239. Anders Godtskalk var uheldig og mista eit skot men fekk likevel heile 236 poeng.
På finfelt var det først Minneskyting der Anders Godtskalk vann klassen med 6 innertiarar og 60 poeng, dermed kunne han reisa heim med vel fortjent «Minnemedalje» Finfelt hadde både far, mor og dotter full pott med 30 treff, men Jan drog lengste strået med 17 innertreff og vart nr 15 av 106 deltakarar. Like etter kom Hanne på 17. plass med 17 innertreff og Klara nr 23 med 15 innertreff. Her vann alle tre «middels beger»
Simon reiste også heim med «Minnemedalje» for flotte 57 poeng på Minneskyting. 28/13 på finfelt og 238 på bane. Hallvard i NU skyt kun bane, der fekk han flotte 236 poeng og kunne reisa stolt heim med
deltakarmedalje i sitt aller første landskytterstevne.
Tekst: Klara Bakke Foto: Privat Nett: Kristian Bringedal