Artikkel, Kultur, Nyhende, Stemneplassen

Den store dugnadsmånaden med klargjering til Frigjeringsdag, 17. mai og til sommarsesongen.

Mai er den store dugnadsmånaden med klargjering til nasjonale dagar og til sommaren. Sist laurdag var det dugnad i båthamna. Det er gjort mykje godt arbeid i og utanfor Helgheim, det same med Gamleskulen. Velforeingar og sameige kallar inn til dugnad i desse dagar. Geilo Vel skal ha sin dugnad komande onsdag.

Magne Eik tok mellom anna kantslåtten.

Uskedal Friluftslag samla heile 14 frivillige i kveld til klargjering av Stemneplassen til Frigjeringsdagen 8. mai og til Nasjonaldagen 17. mai. I underkant av to timar fekk ein gjort mykje godt arbeid:

  • Vask av vindaugo ute og inne
  • Raka og køyrde bort lauv, kvist og anna rask
  • Sopa vegen og den nye parkeringsplassen for strøsand
  • Kantslått under benkene og i skåningane rundt amfiet
  • Vask og reingjering av Krigsminnesmerke.
Bjørgulv Eik og Bjørn Ove Sunde var i gjengen som kosta den nye parkeringsplassen for strøsand.

Det neste no er å raka ut mold før såing og tromling i grensa til naboane Anne Guri Kildal og Affi Eidsvik. Her skal det også plantast ein hekk. Molda er på plass. Vått ver i dag gjorde at nett dette arbeidet vart utsett.

Styret v/ Jofrid Eik og Åse Neset sytte for kaffi og Brannkake.

Tekst/foto/nett: Kristian Bringedal