Boksalg og allsong ved Spar på laurdag.

Innspurt i førehandsalg til kampanjepris av bok 4.

Førstkommande laurdag frå kl. 11 til 15 vil representantar frå Uskedal Historielag vera på plass ved Spar. Det blir førehandsalg av den komande boka (bok 4) i serien “Den nære fortida”, salg av tidlegare utgjevingar i serien og utvandrarboka “Med von om ei betre framtid”, krydra med allsongøkt kl.12, kaffi og god prat. Fint om nokre kjem med bilde til lån og tips til gode artiklar.
Det vil bli gode tilbod på restopplaget på bok 2 og 3 i lokalhistorie serien. Det nærmar seg også slutten på perioden med kampanjepris på boka som no er i trykkeriet. Frå 15. oktober stig prisen med 50 kr til 300. Sjå prislista nedanfor. Kan betala med vipps og kontant.
Bildet over viser omslaget på den nye boka.

Uskedal Historielag håpar på godt oppmøte denne gongen og. Det pleier alltid vera god stemning i utestova desse dagane, og allsongen pleier å runga.
Historielaget kan glede seg over at førehandsalget har vore særs godt av den komande boka og. Det blir bokslepp i Helgheim laurdag 7. november kl. 13.

Tekst, foto og nett: Thor Inge Døssland