Asfaltlegginga i båthamna er venta å vera ferdig i dag.

Fem menn frå Kvinnherad Asfalt har i denne veka vore i arbeid med asfaltering for Uskedal Båtlag i båthamna. Arealet er om lag 1 dekar og det går med rundt rekna 120 tonn asfalt. Dagleg leiar i Kvinnherad Asfalt, Sindre Stensletten reknar med å vera ferdig med jobben i dag, torsdag 8. juni. Det skal lagast ein fartshump ved huset der Endre Nilsen bur. Heile arbeidet tek 3 dagar. Det er ofte slik at når ein kjem på plassen ynskjer kunden meir arbeid gjort. I båthamna var det dessutan ein del førebuande arbeid med oppretting, planering og klargjering før asfaltlegginga.

Det neste oppdraget for Kvinnherad Asfalt er Erslandmarka der ein mellom anna skal leggja asfalt i rulleskiløypene. Asfaltfirma er leigd inn av Musland Maskin, som er hovudentreprenør, for å gjera denne jobben.

Tekst/foto/nett: Kristian Bringedal