![](https://uskedalen.no/content/uploads/2023/07/Parkslirekne-geiter-1000x715.jpg)
13 geiter skal ta knekken på den svarteleista planten Parkslirekne på elvekanten.
Eleveiegarlaget i samarbeid med Kvinnherad kommune og Statsforvaltaren i Vestland gjer på nytt forsøk med beitande geiter for å ta knekken på den svartelista planten Parkslirekne. 13 geiter beitar på elvekanten på nedsida av Dønhaughølen. Geitene går på gjerde og har høve til å gå inn i vogn når det trengst. Om lag same tiltaket vart prøvd i fjor, då på oppsida av brua. Forsøket var ikkje vellukka, truleg med bakgrunn i at dyra vart skremde. Det går nemleg ein tursti over Holmane på Dønhaug.
![](https://uskedalen.no/content/uploads/2023/07/Parkslirekne-geiter-1-1024x768.jpg)
Parkslirekne, innført frå Japan som ein prydplante, er svartelista, Planten spreier seg så kraftig at vanlege metodar for bekjemping er vanskeleg. Her må det kraftige inngrep til. I Uskedalen finn vi mykje parkslirekne på turvegen langs Stølavikjo, nedom Uskedal skule, og på elvekanten.
Tekst/foto/nett: Kritian Bringedal