Nyttig gåve til Uskedal Historielag.

Kvinnheradstiftinga støtta kjøp av kopimaskin med 17.000 kroner.

Onsdag kunne Uskedal Historielag ta i bruk ein flott ny kopimaskin/skrivar/skanner. Dette er blitt mogeleg etter at laget fekk 17.000 kroner i støtte til kjøpet frå Kvinnheradstiftinga nyleg. Det er ein flott, etterlengta og anvendeleg maskin som handterer farge like godt som svart kvitt både i A4 og A3 format. Den er også relativt rimeleg i bruk. Maskinen er svært kjærkommen i historielaget, og vil vera til særs god hjelp i arbeidet deira.

For historielaget er det viktig å handla lokalt, og maskinen er kjøpt på Power Husnes. Prisen var absolutt konkurransedyktig.
Laget får stor glede av maskinen i arbeidet sitt framover. Andre lag vil også kunne ha glede av den ved å gjera avtale med Uskedal Historielag om å bruka den.
Uskedal Historielag takkar Kvinnheradstiftinga for den viktige stønaden, Power Husnes for god handel og Hans Ordin Østebø som gjorde maskinen klar til bruk.

Tekst, foto og nett: Thor Inge Døssland