Norway Cup Dag 6

Med sol frå skyfri himmel, masse supportere frå Kvinnherad og motiverte fotball-jenter, vart det ein spennande avslutning på Norway Cup 2026. Og Rosendal turnlag kan vere stolte over prestasjonen i år.

Kampen til jenter 13/14 som vart blåst av etter 10 minutt grunna uvèr i går, fortsatte kl.09:15. Dei starta med leiinga 2-1 og kjempa som helter heile kampen. Dei var klart best, og vant med heile 7-2 i semifinalen. Dermed var enda eit Rosendalslag klar for finale.

Jenter 14/15 spela finale mot MTG først. Det var ein jamn kamp der Rosendal leia 3-2 heilt til siste sekund. Då klarte MTG å få inn eit mål og finalen måtte avgjerast med straffekonkurranse. Anna Hermann Fossli gjorde ein kjempejobb og redda heile 3 straffar. Men likevel var det MTG som fekk inn flest mål og tok gullet.

Jenter 13/14 spela finale mot Dale. Dette vart også ein spennande kamp mot to jamne lag. Og igjen er det små marginer som gjer at dei tapte 1-2.

Etter litt tårer grunna tapet, er det likevel to Rosendalslag som reiser heim særs nøgde, og det med god grunn. Dei kjempa seg til finale i B-sluttspelet, noko som er lenger enn dei hadde våga å drøyme om. Og dei speler så bra at dei like gjerne kunne fått gull. Så i dag kjennest sølv som ein siger.

Dei to laga trener og speler i lag til vanleg. Så på bilete ser vi alle jentene i lag. Frå Uskedalen er Emmie Musland, Anna Hermann Fossli, Erle Marie Korsvold, Ingrid Aurora Kårstad og Isa Maria Guddal med.

Tekst/nett: Marianne Korsvold
Foto: Monica Hermann / Marianne Korsvold