Særs godt fiske i Uskedalselva i helga.

Etter at regnet kom, og at det blei opna for fiske igjen i Uskedalselva laurdag kl. 18, har fisken bite flittig. Allereie laurdag kveld blei det registrert 9 fiskar, medan det søndag blei reistrert 16. Det ser ut som fisket har vore best i nedre del av elva. Alle fangstane, med unnatak av ein, er frå Øvre Døssland og nedover i elva.
Fangstane i helga gjer at det no er to nye på Topp 3-lista.

Even Skjoldal er no på topp av lista etter at han fekk ein laks på 5,5 kg(bildet) i Dønhaug-valdet søndag kveld. Han fekk fisken på spinnar.
Steffen Günther deler no 2. plass med Ola Hermann Fossli, som toppa før helga. Steffen Günther landa ein laks på 4,9 kg på Myklebust midt på dagen søndag. Han fekk den på wobbler. Elles er det teke mange fine fiskar frå 4 kg og nedover. Heile lista finn de på Laksebørsen.
Det ser ut som veret skal halda fram, så då skulle det liggja til rette for godt elvefiske framover.

Tekst og nett: Thor Inge Døssland
Foto frå Elveguiden.