"Skårhaug Opp" blir 29. august.

I år er det klart for “Skårhaug Opp”, Norges lågaste motbakkeløp, igjen etter at det måtte avlysast i fjor. Arrangementsdatoen er no sett til laurdag 29.august.
Løpet starta opp i 2024 med mål på Skårhaugtoppen 49 moh. Løpet har både mosjonsklasse og løp på tid. Erfaringane frå det første løpet var svært gode, men det vil likevel bli gjort nokre endringar slik det blir lettare å få skikkeleg oversikt over løpet.
Det er Uskedal Idrettslag som arrangerer løpet i samarbeid med Uskedal Friluftslag. Arrangørane kjem med meir info om løpet seinare.

I samband med Skårhaug Opp 2024 skreiv friidrettsentusiasten og poeten Arne Torget dette diktet:

Det er torsdag me spring i samla tropp
Kom og ta med din raske kropp
Om formen er slapp eller topp
Alle kan springa Skårhaug opp!

Per Korsvold er speaker med liv og lyst
På Sandakaien er vi klare til dyst.
Det er ledige plassar, kom og kjøp
Til noregs lågaste motbakkeløp!

Kom og vis at du er heil ved
Ta gjerne kåno og naboen med!
Alle er hjarteleg velkomne her
Det er i Uskedalen det skjer!

2024 Arne Torget

Tekst og nett: Thor Inge Døssland
Arkivfoto