Husnes Blueslag til Bøkkeren i Uskedalen - eksklusiv blueskveld 1. august.

Uskedalen, 1. august 2026 kl. 20.00 – Publikum kan sjå fram til ei heilt spesiell musikalsk oppleving når Husnes Blueslag inviterer til eksklusiv konsert på Bøkkeren i Uskedalen laurdag 1. august klokka 20.00.

Husnes Blueslag er eit erfarent bluesband med røter tilbake til 1970-talet og har gjennom åra opparbeidd seg eit solid rykte for å formidla klassiske bluesperler med stor speleglede og autentisk uttrykk. Bandet har tidlegare hausta svært gode tilbakemeldingar frå publikum, mellom anna etter ei fullsett konsertoppleving hos Bjørgvin Bluesklubb.

På Bøkkeren vil publikum få høyra eit variert repertoar med låtar inspirerte av nokre av blueshistoria sine største namn, mellom andre Freddie King, Albert Collins, Muddy Waters, Peter Green og Eric Clapton.

Bandet består av:

Håkon Røstbø – vokal og gitar

Finn Tore Hellesen – gitar

Ole Bjarte Røssland – trommer

Kjartan Hansen – bass

Knut Waage – tangentar

Den intime og særprega atmosfæren på Bøkkeren dannar ei flott ramme rundt konserten, og arrangørane lovar ei kveld fylt med blues, speleglede og god stemning ved sjøkanten.

Praktisk informasjon

Dato: Laurdag 1. august 2026

Tid: Kl. 20.00

Stad: Bøkkeren, Uskedalen

Billettpris: 400 kroner

Betaling: Vipps til Hallvard Rød: 91834015, Merk betalinga med namn

Merk: Publikum må ta med eiga drikke.

Arrangørane oppmodar interesserte til å sikra seg plass i god tid, då konserten har avgrensa kapasitet.

Vel møtt til ein eksklusiv blueskveld på Bøkkeren i Uskedalen!

Tekst: Pressemelding
Foto: Husnes Blueslag/ Arkivfoto
Nett: Kristian Bringedal