Boksalg, loddsalg, minikonsert og allsong ved SPAR på laurdag.

Førstkommande laurdag vil det vera stor aktivitet utanfor den gode Spar-butikken i Uskedalen. Då kan besøkjande kjøpa både bøker av historielaget og lodd i friluftslaget sitt populære vedlotteri. Dette kan gjerast frå kl.10.30 og fram til kl.14. Klokka 12 og litt utover vert dette toppa med minikonsert og allsong. Dette bør gi ekstra god laurdagsstemning for kundane. Dette vil altså føregå:

• Kl. 10.30-14: Salg av utvandrarboka “Med von om ei betre framtid” (450,-kr) og bok 2 og 3 i lokalhistorieserien “Den nære fortida” (300,-kr). (Bok 1 er som kjent for lengst utseld.) Kan betalast med vipps (76 38 03) eller kontantar. Kan og kjøpast ved å kontakta skriftstyret (tlf. 932 88 237) eller på Spar Uskedalen.
  Historielaget tar og mot tips og bilde til lån for skanning.
• Kl. 10.30-14: Salg av lodd i Uskedal Friluftslag sitt populære vedlotteri. Gevinstar: 15, 10 og 5 sekker med god ved til vinteren. Lodda kostar 100,-kr og kan betalast med vipps(60 55 65) eller kontantar. Kan og kjøpast med vipps heimanfrå.
• Kl.12: Minikonsert og allsong med Svein (gitar, vokal) og Kristian (trekkspel, vokal).
• kl. 10.30-14: Hyggeleg drøs.

Tekst, arkivfoto og nett: Thor Inge Døssland