Påskegjestene er velkomne til Rabben Feriesenter.

Det fyllest opp med bubilar og påskegjester på Rabben Feriesenter. Onsdag i påskeveka er alt gjort klart for innrykk. Nora Hjønnevåg ( 18 år ) er på plass i resepsjonen. Ho, saman med fire andre jenter, tek alt førefallande arbeid som vask, reinhald, rydding og som vertskap i mottaket. Det er andre året Nora har feirejobb på Rabben. Til vanleg er ho elev på Barne- og ungdomsinja på KVV. Ho vil ta fagbrev og påbygg for å få stuidekompetanse.

Rabben Feriesenter er open kvar dag i påskehelga, kl. 09 – 13 og kl. 16 -20. Magne Heggøy fortel at det er middels god booking denne helga. Veret har sitt å sei. Straks det skin opp, kjem det gjester. Det er for det meste bubilar fordelt på 40 plassar, anten på Tangen eller på Sletta. Det er 28 faste plassar i hytter.

Gjennom vinteren er det utført vanleg vedlikehald og oppgradering. I resepsjonen er det ny kaffimaskin og ein vil prøva med litt servering. Ei større investering er opparbeiding av strandkanten ved badestranda, det som vert kalla erosjonssikring. Her er det laga fin tørrmur.

Godkjend reguleringsplan ligg til grunn for alt som vert gjort av fysisk inngrep på område. Alt, også oppstillingsplass for bubilar, må gjerast i samsvar med planen.

Innlegg om salg, mellom anna av strikka produkt, kjem i eige innlegg.

Tekst/foto/nett: Kristian Bringedal