Plansjef i Ullensvang, Wermund Vetrhus, i Plassapodden.
Areplan og arealbruk var tema i den siste Plassapodden. Wermund Vetrhus frå Uskedalen var ein av fleire gjester. Wermund er plansjef i Ullensvang herad og har meir enn mange god kunnskap om arealplanlegging. I tillegg er Vetrhus fast medlem i kommunestyret for SV. Arealdelen i Kommuneplanen skal til vanleg rullerast kvart 4. år, ein gong i kommunevalperioden. Arbeidet er seinka. Ny informasjon kjem i seinare i vårhalvåret.
Saka er aktuell for Uskedalen. Bygda ventar på oppstart av arbeidet med Områdeplan. I samtale med Sigurd Vikøren i Plassapodden kjem Wermund Vetrhus inn på sentrale tema som vil vera innhald i ny revidert plan. Han hevdar SV sitt syn, men mykje av det er sentrale moment ubunde av parti. Her er noko av det som vart sagt i programmet.
- Tettare bygging i sentrum, mellom anna for å gjera det lettare for eldre og yngre å ta seg fram til skule, barnehage og andre sentrumsfunksjonar
- Ikkje vindkraft i Kvinnherad
- Jordvern på nasjonalt og lokal nivå
- Verna vassdrag
- Ta vare på strandsona
- Synleggjera kultur- og kulturminneverdiane i bygdene.
Tekst/nett: Kristian Bringedal Foto: Skjermdump frå Plassapodden