Artikkel, Natur, Nyhende, Sentrum, Utvikling

Ei påskepynta bygd.

Marit Røssland og Mette Lauvsnes i samarbeid med Dugnadsgruppa har utført ein flott jobb dei siste vekene. Krukkene er børsta, spylt og reingjort. Marit og Mette har fyllt på med jord og planta med krokusar, stemor og påskeliljer, i fine påskefargar.

Mette Lauvsnes ryddar og plantar eine beddet ved Bautasteinen.

Krukkene er plassert ut i bygda, mellom anna ved busstoppen i nedre Halsane, Uskedal Bru og ved Gamleskulen. Blomebeddet ved Bautasteinen er også ein del av jobben. Banner i lysstolpar gjennom sentrum skal på plass. Det er Uskedal Utvikling som ser til at sentrum er rydda og tek seg fint ut for alle, fastbuande, hyttefolk og tilreisande gjester.

Marit Røssland gjer jobben på den andre sida av Bautasteinen.
Tekst/nett: Kristian Bringedal
Foto: Kristian Bringedal/ Gunn Mari Moberg